BJP leader te Middle School a kal tha leh turin Chidambaram an ngen

BJP tena Congress party manifesto an sawisel chu chhang letin Congress party leader P. Chidambaram chuan ruling party leader te hian ‘generation for wealth’ tih chu ‘redistribution for wealth’ tiin an chhiar tlat a, middle school kal tha leh se emaw mit doctor inentir rawh se tiin a sawi.
Chidambaram, Congress party manifesto duangtu ber committee hotu chuan Congress te chuan hmasawnna chak leh hausakna tihpuna siamchhuah chu an tum a ni a ti.
“Congress Manifesto chuan hausakna tiamin – industrial leh business policy leh regulations te chu goods and services te volume lian leh value hlu zawka siam a nih theih nan ruahmanna a siam ang” tiin Finance Minister hlui chuan a sawi.
Dan leh rules tin te free and fair trade kalh thei tinte chu enfiaha thlak a ni ang, tiin a sawi bawk a.
“UPA sorkar la awm reng ta se chuan India economy chu a let hniha thangin kum 2023-24 ah Rs 200 lakh crore a ni tawh ang,” tiin Chidambaram chuan a sawi bawk a.
Congress te chuan rapid growth leh generation of wealth thlentir a tum a ni, tiin a sawi bawk a. “Tun atanga kum 10 chhungin GDP a let hniha tihpun kan tum a ni,” a ti bawk.
“BJP leader-te hian ‘generation of wealth’ chu ‘redistribution of wealth’ tia an chhiar a nih chuan middle school ah kal tha leh se emaw mit doctor inentir rawh se” tiin Chidambaram chuan a sawi.