BJP leh BJD-te thawk dun dawn lo

Bharatiya Janata Party (BJP) chuan an state-a Lok Sabha seat 21 leh Assembly seat 114 te chu an chuh vek dawn tiin Manmohan Samal, State BJP president chuan a sawi a. Tihian Biju Janata Dal nena thawhhona an nei dawn tia sawi chu tih tawpin a awm ta a ni.
BJD leh BJP te hi kum 1998 atanga 2009 inkar kum 11 teh meuh thawk dunin Lok Sabha inthlan tum thum leh Assembly inthlan tum hnih an hmachhawn a ni.
Tun hnai thla hnih chhungin BJP leh BJD te chuan alliance an siam dawn tia sawi a awm reng a. February thla kar khatnaah khan Prime Minister Narendra Modi chuan Odisha tum hnih tlawhin rally a nei ve ve a.
Rally tum hnih a neihah State sorkar a sawisel miah lo bawk a. PM Modi tum hnih zinah official function-ah Odisha CM Patnaik chuan CM nen dawhsanah an thu dun ve ve bawk a ni.