Box office-ah ‘Beetlejuice Beetlejuice’ a la No.1
Film phut deuh zawk zawkna tur tam chu ‘Beetlejuice Beetlejuice’ chuan tun weekend kalta khan North America-ah cinema hall ticket hralhna atangin dollar maktaduai 51.6 a la lut leh a, a kar hnih nan box office No.1 a ni. He film hian ni 10 chhungin US-ah dollar maktaduai 188 a la lut tling ta a, US pawnah dollar maktaduai 76.3 la lut tawh bawkin, a vaiin dollar maktaduai 264.3 a la lut tling ta.
Film tlangzarh thar dang horror-thriller ‘Speak No Evil’-in dollar maktaduai 11.5 la lutin, No.2 a nia, he film hi dollar maktaduai 15 senga siam a ni a (marketing tel loin), US pawnah dollar maktaduai 9.3 la lut bawkin, opening weekend-a a lak luh zawng zawng chu dollar maktaduai 20.8 a tling.
Speak No Evil film-ah hian American chhungkaw pakhat, British estate-a weekend hmang mang ten an host chuan ze chhe lam, rapthlak zet mai a nei tih an hrechhuah dan vel tarlan a ni. He film hi James McAvoy channa niin, a performance pawhin fak a hlawh viau nghe nghe a ni.
Deadpool & Wolverine-in dollar maktaduai 5.2 la lut lehin No.3 a la ni a, he film hian US-ah dollar maktaduai 621.5 la lut tawhin, khawvel huapin dollar tluklehdingawn 1.305 a la lut tawh a, Marvel film zinga sum la lut tam pasarihna a ni pha tawh.
Film tlangzarh tar Matt Walsh channa ‘Am I Racist?’-in dollar maktaduai 4.8 la lutin No.4-ah a debut a, Dannis Quaid channa Ronald Reagan biopic ‘Reagan’ cu top 5 khartu niin, dollar maktaduai 3 la lutin No.5 a ni a, he film hian US-ah kar thum chhungin dollar maktaduai 23.3 a la lut tling ve tawh bawk.
Film tlangzarh thar, Dave Bautista canna ‘The Killer’s Game’-in dollar maktaduai 2.6 la lutin No.6 a ni. He film hian beisei a pha lo viau maia, a film-ah hian veteran hitman-in natna tihdam theih loh, thihpui tur chi a nei tih a hriat hnuah amah that turin mi a ruai a, mahse, a natna chu an hresual tih a hriatchhuah leh tak si avanga a talbuai dan vel tarlanna a ni.
Box office top10:
1 Beetlejuice Beetlejuice $5,16,00,000
2 Speak No Evil $1,15,00,000
3 Deadpool & Wolverine $52,00,000
4 Am I Racist? $47,50,000
5 Reagan $29,64,040
6 The Killer’s Game $26,00,000
7 Alien: Romulus $24,00,000
8 It Ends With Us $20,25,000
9 The Forge $2,010,000
10 God’s Not Dead: In God We Trust $14,66,812
Box office-ah ‘Beetlejuice Beetlejuice’ a la No.1
Get real time updates directly on you device, subscribe now.
Prev Post