Box office-ah ‘Lilo & Stitch’ a la No.1

Box office-ah ‘Lilo & Stitch’ a la No.1
Disney film ‘Lilo & Stitch’ chuan tun weekend kalta khan cinema hall ticket hralhna atangin dollar maktaduai 32,5 la lut lehin North American box office No.1 a la ni a, a zawnin kar thum chhung a No.1 ta. Hetihrual hian John Wick spinopff ‘Ballerina’-in beisei a pha vak lo a, dollar maktaduai 25 la lutin, No.2 erawh a ni pha tho.
Box office ranking hi kartawp (Zirtawpni – Pathianni) a USA-a cinema hall ticket hralhna sum chevel tam dan atanga tehin ranking siam thin a ni a, ‘Lilo & Stitch’ hian a weekend vawi thumnaah dollar maktaduai 32.5 a la lut leh a, tihian kar thum chhungin US-ah dollar maktaduai 335.8 la lut tawhin, US pawna dollar maktaduai 436.8 a lak luh nena belkhawmin dollar maktaduai 772.6 a la lut tling ta.
John Wick film bechhana an chan thar ‘From the World of John Wick: Ballerina’-in dollar maktaduai 25 la lutin, No.2 a ni a, 2014-a John Wick film hmasa ber tih lohah chuan John Wick film zinga opening weekend-a sum la lut tlem ber a la ni. He film-ah hian Ana de Armas chu a changtu ber niin, John Wick lema chang thin Keanu Reeves pawh a inlan.
He film hi John Wick: Chapter 3 – Parabellum laia thil thleng anga chan a ni a, Eve Macarro (de Armas) chuan Ruska Roma tana assassin training a neih tan lai vel anga tarlan a ni. He film hi dollar maktaduai 90 vel senga siam a ni.
Tom Cruise channa ‘Mission: Impossible – The Final Reckoning’-in dollar maktaduai 15 la lut lehin No.3 a la ni a, he film hian US-ah dollar maktaduai 149.2 la lut tawhin, US pawnah dollar maktaduaoi 301.2 la lut tawh bawkin, dollar maktaduai 450.4 chu a tlin ve ta bawk.
Box office top 10:
1 Lilo & Stitch $32,500,000
2 From the World of John Wick: Ballerina $25,000,000
3 Mission: Impossible—The Final Reckoning $15,000,000
4 Karate Kid: Legends $8,700,000
5 Final Destination: Bloodlines $6,500,000
6 The Phoenician Scheme $6,250,000
7 Bring Her Back $3,526,295
8 Dan Da Dan: Evil Eye $3,096,000
9 Sinners $2,910,000
10 Thunderbolts* $2,500,000