Box office-ah ‘Mean Girls’ a No.1

Tun weekend kalta khan ‘Mean Girls’ chuan North America-ah cinema hall ticket hralhna a\angin dollar maktaduai 28 a lalut a, No.1 a ni. He film hi a original film Lindsay Lohan channa ‘Mean Girls’ an tlangzarh a\anga kum 20 hnuah an tlangzarh leh a ni a, US pawn lamah pawh dollar maktaduai 6.5 lalut bawkin, tihian opening weekend-a a lakluh zawng zawng chu dollar maktaduai 34.5 a tling. He film hi marketing tel lovin dollar maktaduai 36 senga siam a ni.
Mean Girls film thar hi Angourie Rice, Reneé Rapp, Auli’i Cravalho, Bebe Wood leh Christopher Briney te channa a ni a, Tina Fey leh Tim Meadows te pawh 2004 movie-a an role ngai an chang leh bawk. He musical hi hmeichhe lamin an en nasa a, ticket leitu 76% chu hmeichhia an ni a, 70% vel chu kum 18 leh 34 inkar an ni bawk.
Jason Statham channa, action movie tlangzarh thar The Beekeeper-in dollar maktaduai 19.1 lalutin No.2 a ni a, he film hi mipa lamin an en nasa ve thung a, ticket leitu 62% chu mipa an ni.
Box office top 10:
1 Mean Girls $28,000,000
2 The Beekeeper $16,789,000
3 Wonka $8,380,000
4 Anyone But You $6,940,000
5 Migration $6,190,000
6 Aquaman and the Lost Kingdom $5,265,000
7 Night Swim $4,660,000
8 Guntur Kaaram $4,100,000
9 The Boys in the Boat $3,524,897
10 The Book of Clarence $2,575,000