BRIT Billion Award dawng thei naupang ber Olivia Rodrigo

Olivia Rodrigo hming hi kan hriat larna a la nei lo, kum hnih khat vel chauh a la ni, tunah pawh kum 20 mi chauh a la ni a, mahse, BRIT Billion Award a dawng ta der mai a, he award dawng thei naupang ber a ni. BRIT Billion Award hi U.K. a stream tluklehdingawn kai thei ta hnena hlan thin a ni a, stream zat hi Official Charts Company-in an chhut thin a ni. A hmaa he record siamtu chu RAYE niin, kum 25 a nihin he award hi a dawng thei a ni.
He award hi Rodrigo hian a hla thar “Bad Idea Right?” tih vawrh lara London-a a awm laiin an hlan a ni. ‘Bad Idea Right?’ hi Rodrigo album pahnihna ‘GUTS’ a atanga a single a ni a, ‘GUTS’ hi September ni 8-ah a tlangzarh ang.
Rodrigo hian February 2022 khan BRIT Awards-ah best international song chu a hla ‘Good 4 U’ avangin a lo dawng tawh a, hemi kumah tho hian international artist of the year-ah pawh nominate a ni a, mahse, award hi Billie Eilish-i’n a dawng ta zawk a, May 2021 khan a hla hit hmasa ‘Drivers License’ chu Brits-ah hian a lo perform tawh bawk a ni.
Rodrigo hi BRIT Billion Award dawng thei 19-na a ni a, ABBA, Coldplay, Mariah Carey, Whitney Houston, AJ Tracey, Headie One, Anne-Marie, Ellie Goulding, George Ezra, Lewis Capaldi, RAYE, Rita Ora, Sam Smith, Lana Del Rey, The One Show; Queen, Wizkid leh Becky Hill ten an lo dawng tawh a ni.