BTS RM leh V sipai atangin an chhuak
BTS reunion pawh a hnai telh telh e, an member pahnih RM leh V te chuan an sipai tan hun tur zoin, nimin khan sipai nun an chhuahsan ve leh ta. RM leh V te hi fans thahnem takin Chuncheon City-ah an lo hmuak.
V chuan anmani lo hmuaktu fans leh media te hmaah,
“ARMY (BTS fans sawina) zawng zawng te, kan sipai tan chhung min lo nghak tang tang tute chungah ka lawm takzet a ni. Kawngaihin lo la nghak leh lawk ila, tichuan performance cool tawk nen kan rawn kir leh ang,” a ti.
South Korean sorkar danah mipa pangngai zawng zawngin kum 18 an thlin atanga kum 35 an pelh hma ngeiin thla 18 chhung tal sipai nunchan an zir ngei ngeina tur a ni a, he dan hian BTS member te pawh an lar vanglai pawh ni eng ang mah se a puar ve tlat avangin 2022 kum tawp lam atang khan sipai an lut tan a, group anga an chetvelna pawh an titawp ta rih a ni.
BTS member dang Jin leh J-Hope te chu nikum June leh October thla khan sipai atangin an rawn chhuak tawh a, Jimin leh JungKook te pawh vawiin, June ni 11 hian an chhuak ve leh dawn a, Suga pawh tun thla tawpah chuan a chhuak ve thei tawh dawn bawk a ni.
BTS member te hian an sipai tan chhungin fans lam an khawhar lutuk loh nan solo project leh thil dang te pawh an tichhuak sap sap a, tunah chuan member zawng zawngin an sipai tan hun chhung an zawh dawn tak avangin fans an phur tawh hle a, band lam pawhin an official reunion atana ruahmanna te an puang thuai tawhin a rinawm.
BTS RM leh V sipai a\angin an chhuak
Get real time updates directly on you device, subscribe now.