Finance Minister Nirmala Sitharaman chuan February 1, 2024 a budget a pharh turah ‘mit la leh ropui tak’ engmah a awm dawn loh thu sawiin inthlanpui a nih dawn avangin vote on account a kalpui mai tur a ni, a ti.
“February 1, 2024 budget pharh tur chu vote on account tur a ni a, election mode in kan awm vek tawh dawn a. Chuvang chuan sorkarin budget a pharh tur chu sorkar thar pian hmaa mamawh phuhrukna tur chauh a ni ang,” tiin a sawi.
CII Global Economic Policy Forum-a thusawina a neihah Sitharaman chuan ram pum chu kum 2024 summer-a Lok Sabha inthlan turah a inpuahchah tawh dawn a ni, a ti bawk a.
Chuvang chuan British tradition kan la hman zui zel angin February 1 budget chu vote on account a ni ang a ti bawk a.
“Thutiam liantham emaw te vote on account-ah a rem ve lo. Sorkar thar a piang anga July 224 ah full budget pharh a ni chauh ang” tiin Sitharaman chuan a sawi bawk.
February 1, 2024 ah Sitharaman chuan interim budget 2024-25 fiscal atan a pharh ang a, April 1, 2024 chu sorkar kum thar a ni tan dawn a ni.
Interim budget chu vote on account tia hriat lar tho niin sorkar lai mekin sorkar thar pian hmaa sum a hman mamawh phuhrukna tur chauh a ni ang.
Budget lailwk pharh turah ropui tak awm thei lo
Get real time updates directly on you device, subscribe now.
Prev Post
Next Post