By election-ah vote tla tha lo

Aizawl Municipal Corporation Ward No.VI corporator thlanna, by-election chu Ningani khan tluang taka neih a ni a, vote tla percentage chu zaah 47.38 a ni.
AMC Ward VI hian Chanmari West, Edenthar leh Hunthar a huam a. Polling station 10 awmin vote nei 9901 (mipa 4601, hmeichhia 5300) an awm. Vote thlaktu 4691 (mipa 2170, hmeichhia 2521) an awm a. Returning officer leh asst. returning officer-ten polling station ho hi an tlawh kual a ni.
Candidate pathum – Chawnghmingthanga (BJP), H Lalremtluanga (Zoram People’s Movement) leh Lalrinfeli (Independent) an awm a, Lalrinfeli hi MNF leh Congress candidate intawm a ni.
AMC Ward No. VI hi corporator ni lai a thih avanga seat ruak hnawhkhat tura State Election Commission-in by-election nei tura a tih anga buatsaih a ni.