By-poll hrang hrang neih result puang
BJP te chuan by-election Tripura-a Sepahijala district a Dhanpur leh Bozanagar assembly seat-ah chakna an chang a.
BJP hruaitu Tafajjal Hossain chuan Boxanagar seat-ah chakna changin tribal tamna Dhanpru-ah Bindu Debnath a chak bawk.
Tun thla tir lam khan state paruka seat pasarih laiah by-poll neih niin chung zingah chuan Bageshwar, Uttarakhand te, Ghosi, Uttar Pradesh te, Puthuppally, Kerala te, Dhupguri, West Bengal te, Dumri, Jharkhand te bakah Boxanagar leh Dhanpur, Tripura te a ni.
Kerala-ah chuan rorel lai CPI(M), Chandy Oommen kaihhruai Congress-UDF alliance te chuan Puthuppally by election-ah 36,000 vote-in chakna an chang a. Ommen, Congress stalwart Oommen Chandy fapa ni bawk chuan a tir atanga a tawp thlengin vote chhiarah chakna an chang a ni.
Uttarakhand-a Bageswhar-ah BJP candidate Parwati Dass aia vote chhiarah hma a hruai reng chungin a hnuah Congress party candidate Basant Kumar chu a chak lo thung a. Bypoll hi April thlaa cabinet minister Chandan Ram Das thih avanga neih ngai a ni.
Dara Singh Chauhan, sitting MLA, Ghosi assembly constituency, Uttar Pradesh leh OBC leader ni bawk chuan Samajwadi Party a chhuahsan hnuah BJP a lut a. Hei avang hian by-election Ghosi ah neih niin Samajwadi party candidate Sudhakar Singh chuan he chanchin ziah lai thleng hian 20,000 vote velin hmaa hruai mek a ni.
West Bengal-ah pawh INDIA hlock party pahnih – Congress leh CPI(M) te chuan an opposition pui leh rorel mek lai Trinamool Congress (TMC) te an inkhing a. Mahse, TMC candidate Nirmal Chandra Roy chu chungnungin Mamata Banerjee kaihhruai party chuan seat an la leh a ni.
Yoshoda Devi of AJSU Party chuan a elpui ber Bebi Devi of JMM lakah 1,551 vote velin Dumri Assembly by-election, Jharkhand a Giridish district-ah hma a hruai bawk a.
Seat pasrih by-poll neihnaah Dhanpur, Dghupuri leh Bageshwar te chu BJP ten an la a, Ghosi chu Samajwadi party-in lain Jharkhand ah erawh JMM te an chungnung a. Tripura-a Boxanagar seat leh Kerala a Puthupally seat chu CPM leh Congress ten an la thung.