C chairman leh AG hotu-inSum hman dan endik zui tul ti

PAC chairman leh AG hotu-in
Sum hman dan endik zui tul ti
Mizoram Legislative Assembly-a Public Accounts Committee chairman, leader of opposition Lalchhandama Ralte leh principal accountant general Mizoram Samar Kant Thakur, IAAS chu Nilaini khan an inkawm a, sawrkar department-te sum hmanralna uluk taka enzui a tul tih an sawi.
Principal AG hian PAC tel loin Mizoram AG office chuan hna an thawk thei lo tih a sawi a, an hnapui ber pawh PAC hnathawh report pek a ni, tiin, PAC chairman pawh hian theihtawp chhuahin hna an thawk a, tunhnaiah pawh Mizoram khaw chhak lam leh chhim lamah site visit neiin an fehchhuak tih a sawi a ni.
Principal AG hian PAC chairman hnenah rawtna thlenin, Mizoram PAC chu Central PAC kalphung anga kal ve tura a duh thu leh a tul a nih chuan workshop /seminar buatsaih tura a inpeih reng thu a sawi a. Comptroller & Auditor General of India hnena PAC report thlen chu an hnathawh ber a ni tih a sawi bawk.
PAC hmalaknaah judiciary a huam leh huam loh sawihonaah Samar Kant Thakur chuan, High Court leh Supreme Court thlengin a huam tih a sawi a. Chutihrualin office establishment chauh an khawih thei thung tih a sawi.
“Sawrkar department leh ministry-te excess expenditure chu PAC chauhin a regularize thei a, a process muang deuh mah se, PAC hnathawh hi a effective hle,” a ti.
Leader of opposition leh Principal AG inkawmnaah hian AG official-te bakah bakah Mizoram Legislative Assembly Secretariat official-te an tel a ni.