Car-a chak ber nih lawma kawng zawh sutnaah mi 27 hliam

Car-a chak ber nih lawma kawng zawh sutnaah mi 27 hliam
Premier League-a Liverpool team chak ber an nih lawma pungkhawm chu Thawhtanni tlai khan car-a pawng sut niin naupang pali telin mi 27-in hliam tuarte damdawi inah dah an ni a, British mipa pakhat man a ni.
Police chuan England hmarthlang lam khawpuia mi sutu nia an hriat an mi man hi ‘Liverpool huam chhunga cheng, British mi ngo mipa kum 53 mi’ a nih thu leh amaha ti a nih thu an sawi.
Thil thleng hi firfiaka chetna anga chhui a ni lo tih an sawi bawk.
Damdawi ina dah ngaite bakah hliam tanau tuar mi 20 chu a hmunah enkawl an ni a, ambulance thuneitute chuan mi 27 erawh damdawi inah lak an ni tih an sawi.
Naupang leh puitling pakhat ve ve na deuh an awm tih an sawi.
Naupang pakhat telin mi pai chu van hnuaiah an tang a, kang thelhtuten an la chhuak.
Social media-a video dahah chuan car rawng thim lamin Liverpool-ah hian player-ten bus chung hawna chuanga an nomawi lak an pho chhuah zuitu tawp lam chu sut an ni a, thenkhat chu boruaka leng dawrh pawh an awm tih a lang.
Car hi a din hnuah a bul hnaia mipui thinrim chuan a tukverh vel tichhiain an bawr zui nghal am police officer-te inrawlhin a khalhtu hi an la hrang thei ta a ni.
He thil hi khawpui lailia chak ber nih lawmna pui tham tak hmannaa mi sang tel an pun khawm hnua thleng niin khaw awm dan duhawm lo takah Liverpool player-ten bus chung nei lova Premier League nomawi an lak kawng an zawhpuinaa thleng a ni.
Darkar eng emaw zat chhung kawng zawh a ni a, police leh venhim hna thawktu dang pawh thahnem tak an awm a, km 16 vel kawng hi zawh a ni.
Liverpool-in Premier League-a chak ber an nih hnuhnung ber chu COVID hripui len lai kha niin hetianga lawmna kawng zawh hi khap a nih lai a ni.
UK Prime Minister Keir Starmer-a chuan Liverpool-a thil thleng chu a ngaihven reng tih a sawi a. Hliam tuarte an dam leh thuai a duhsak thu sawiin police leh emergency services ten rang taka thil an buaipui nghal avangin lawm thu a sawi bawk.
Liverpool FC pawhin police nen an inbiakpawh reng thu X-ah an tar lang a. A tuartute tan an tawngtai tu an sawi.
Premier League pawhin hetiang bawk hian thu an chhuah bawk.