Cardi B-i’n tuia thehtu mic-in a vawm

Cardi B-i’n tuia thehtu mic-in a vawm
Tunlai chu zaithiamte concert-naah stage-a an zai laia vawm an ching riau a, Cardi B pawh Las Vegas-a Drai’s Beachclub-ah July ni 29-a a perform laiin tlar hmasa lama ding pakhatin stage-a a awm laiin tuiin a lo theh. Cardi B a duai lo nasa, tui thehtu chu a microphone ken laiin a vawm let ve nghal hmiah.
Cardi B hian a hla hit ‘Bodak Yellow (Money Moves)’ a perform lai takin thil tuiin tlar hmaa a ding pakhat chuan a lo theh a, Cardi chu mak tih hmel deuhin a awm a, mahse, a thin a thawk ta thut a, a mic ken lai chuan a vawm let ve nghal siah mai a, a ân khum deuh hrep bawk.
Tunhnaiah zaithiam te stage-a an perform laia vawm an ching riau a, hmanni lawkah Drake pawh stage-a a zai laiin vape-in an vawm a, Bebe Rexha pawh cell phone-in a mit koah an vawm kak sak a, P!nk pawh mei vapin an theh a, Kelsea Ballerini pawhin vawm a tawk tawh a, Lil Nas X pawh zahmawh lemin an vawm a, Harry Styles pawh a mit koah an vawm sak tawh bawk a ni.