CEM-in banna thehlut

Sinlung Hills Council-a chief executive member Lalthlamuana Hmar chuan December 20 khan a nihna atanga banna a thehlut.
Thudawn danin, SHC chairman hnenah Lalthlamuana Hmar hian CEM atanga banna hi ziakin a thehlut a, ama ruat Council member (appointed member) mi pahnih pawh chawlhtir nghal turin a ngen.
Banna thehluh chhan hi state sawrkara sawrkar fawng vuantu inthlak vanga tualchhung politics virvel a nih theih thu sawi a ni a. Boruak kal vel dan hriatchian a la ni lo.
Kum 2019-a Sinlung Hills Council inthlanah Lalthlamuana Hmar hi CEM atana lakluh a nih hnu ah banna a thehlut a, CEM atan Biaknunga lakluh niin, a hnu, kum 2022 khan Lalthlamuana Hmar bawk hi CEM-a lakluh leh a ni.