CEM leh MLA ni kawp insawifiah

Tuichawng bialtu MLA, Chakma Autonomous District Council chief executive member ni bawk Rasik Mohan Chakma chuan hekna a dawn anga Mizoram Legislative Assembly speaker Lalbiakzama’n MLA atanga ban a nih loh chhan tur sawifiah tura a tih angin chhanna a thehlut tawh.
Assembly speaker hian kumin March 22 khan Rasik Mohan Chakma hi showcause notice pe in, CADC MDC Doymoy Daveng Chakma hnen atangin CADC CEM leh MLA a nih kawp chungchangah complaint a dawng tih a hrilh a. CEM leh MLA a nih kawp avanga dan a bawhchhia nia an hriat an rawn tlawhchhante hrilhin, The Mizoram State Legislature Members (Removal of Disqualification) (Amendment) Act 2006 anga MLA atanga ban a nih loh chhan tur chu April 15 hmaa insawifiah turin a hriattir a ni.
Showcause notice chhanna hi RM Chakma hian April 15 khan a thehlut tih sawiin, official thil a nih avangin puanzar vek a rem rih lo tih a sawi a ni.
2023 MLA inthlanpui khan Rasik Mohan Chakma hi CADC CEM ni chungin Tuichawng bial atangin MLA-a thlantlin a ni a, CEM leh MLA hi a chelh kawp mek a ni.