Central scheme lema inbum tumnaah fimkhur ngai – BJP

Tunlai hian central scheme hrang hrang hmingchawiin inbumna nasa tak a awm tih BJP Mizoram chian sawiin, mipui fimkhur turin an ngen.
BJP Mizoram Pradesh thuchhuak chuan, mi thenkhatin website lem hmangin Prime minister Modi scheme ruahman kaltlanga a thlawna sum dawn theihna bakah laptop, phone leh thalaite bum theihna tur hmanga bum duh pawl an awm tih a sawi a. PM schemes website ni awm taka siam pawh awmin, hengah hian pawisa pek lawk a ngai thin a, approval lehkha a tak ang taka siam a ni thin tih a sawi. Website rintlak, sawrkar laipui website ‘gov.in’ awm lohna chu ring lo turin mipui an ngen tih a sawi a ni.
‘India Post tih leh sawrkar laipui hming chawia fraud website tam tak a awm a, hengah hian a thlawna pawisa dawn theihna ni awm takin mipui an bum thin. Pawisa dawng loin mipuiin an chan phah thin zawk a. BJP Mizoram chuan inbumna hmanga sawrkar laipui hminghliau zawnga khawsa duh pawl an awm hi pawi kan ti takzet a, Zoram mipui chu heng inbumna laka kan fihlim theih nan fimkhur turin kan ngen a ni,’ a ti.