Centre in 16th Finance Commission member tur te ruatfel tawh

Sorkar laipui chuan Expenditure Secretary Ajay Narayan Jha leh SBI Group Chief Economic Advisor Soumya Kanti ghosh te chu dint har 16th Finance Comission member ah a ruat.
Commission hi Vice Chairman of Niti Aayog Arvind Panagariya chuan a chair a, member pali an awm dawn a, Secretary chu Rivik Ranjanam Pandey niin joint secretary pahnih leh Economic Advisor pakhat ten an puibawm dawn bawk a ni.
15th Finance Commission member pahw n tho tawh Jha bakaah hian retired bureaucrat Annie George Mathew leh Artha Global Executive Director Niranjan Rajadhyaksha te chu 16th Finance Commission full-time member atana ruat an ni bawk a. Ghosh erawh part-time member a ni ang, tiin Finance Ministry hriattirna tihchhuah chuan a tarlang.
“Chairman leh Commission member dang te hian office an zawm ni atanga report an thehluh ni tur October 31, 2025 thleng an dinhmun hi an chelh ang” tiin hriattirna tihchhuah chuan a tarlang bawk.
Sorkar laipui chuan Commission hi December 31, 2023 khan Panagariya chairman na hnuaiah a din a. Panel te hian October 31, 2025 ah report Presdient hnenah an thehlut hman tur a ni a, report hian April 1, 2026 atanga kum nga a huam dawn a ni.
Centre leh States tax devolution kalpui dan tur te bakah revenue tihpun dan tur te ah rawtna an siam ang a, Commission hian disaster management initiatives Disaster Management Act, 2005 behchhanin chuta sum dah dan tur te pawh an ngaihtuah ang. Finance Commission hi constitutional body niin centre-state finnacial relations ah rawtna pe thin tu a sawi.
15th Finance Commission khan NK Singh kaihhruaina hnuaia kalpui niin Centre divisible tax pool atangin kum 2021-22 atanga 2025-26 chhungin State te hnenah 41 per cent pek tur a ti a, hei tho hi 14th Finance Commission Y.V. Reddy hnuaiah pawh khan kalpui a lo ni tawh.