Centre in Myanmar nena FMR titawp

Sorkar laipui chuan Ningani khan Free Movement Regime Myanmar nena an neih chu a titawp ta a. Free Movement Regime hnuaiah hian ram pahniha ramri hnaiha cheng mipui te chuan travel document tel lovin 16 km thleng an lut thei a ni.
“Prime Minister Narendra Modi chuan ramri hima siam a duh a ni” tiin Amit Shah chuan a sawi a. “Ministry of Home Affairs chuan ram chhung himna ngaihtuahin, north-eastern state te democgraphic structure him nan Free Movement Regime chu a titawp” tiin Amit Shah chuan a sawi.
A hma lawk ni hnih kalta han Shah chuan India chuan Myanmar nena ramri a neih 1,643 km laia thui chu pinphui vek a ni ang a lo ti tawh bawk a.
February 3 khan Manipur Chief Minister N. Biren Singh chuan Dehi-ah Amit Shah hmu in an inhmuh hnu lawkah Singh chuan Centre chuan thutlukna pawimawh tak a siam dawn tiin a lo sawi lawk tawh a ni.
Manipur sorkar chuan an state a chi leh hnam anga buaina thleng mekah Myanmar a Kuki-Zo tribe awm te chu mawhpuhin Centre chu Free Movement Regime titawp tur leh ramri pingphui turin a lo nawr reng tawh a ni.