Centre-in Punjab hrek zui tum zel

Punjab chuan Union government hmalakna Ayushman Bharat Health and Wellness Centres chu ‘AAP clinics’ tia an state-a an kalpui daih avangin harsatna a tawk a. Union govertnment chuan National Health Mission grants Rs 621 crore chu a pe duh tawh lo va, tunah Punjab-in a branding thlak ringawt a siam tha duh lo a nih chuan capital investment fund Rs 1,800 crore pawh pek a tum lo.
Ayushman Bharat Health and Wellness Centre scheme hi centrally sponsored scheme (CSS) niin a awmzia chu Centre leh State tena 60:40 ratio-a an kalpui a ni.
Punjab Chief Secretary Anurag Verma chuan Punjab government chuan Union government biain capex funds te chu Ayushman Bharat scheme nena inkaihhnawihna nei lo a ni tih thu a sawi a.
Punjab sorkar chuan project hrang hrang 103 kalpui nan special assistance loan Rs 1,837 crore lai a dil mekah Union Ministry of Finance chuan State Finance department-ah lehkhathawnin Punjab chuan CSS branding ah dan a zawm tur a ni a, a nih loh chuan funds te pek a ni dawn lo a ti a ni.
Punjab sorkar chuan July 5, 2023 khan CSS branding guidelines chu a zawm vek tiin a sawi a. mahse, union Ministry of Health and Family Welfare chuan Ayushman Bharat centre kaihhnawihah guidelines a zawm lo a ti thung.
Union Finance Ministry chuan Punjab sorkar chu ‘branding violation’ chungchang hi hrilh tawhin siam tha tur pawha a tih tawh thu leh a siam tha lo a nih chuan capital investment proposal-te ngaihtuah a ni lovang a lo ti tawh thung a. Centre cvhuan kum 2023-24 chhungin 50 year interest-free loan Rs 1.3 lakh crore thlengin State tena capital spending an tihsan theih nan pek a inhuam a ni.
Punjab Health and Family Welfare Minister Balbir Singh chuan tun hnaiah Union government chuan Ayushman Scheme hnuiaha December 2022 atang khan Punjab hnenah fund pe duh tawh lovin a tlingkhawm ringawt pawh Rs 621 crore a tling tawh tiin a sawi.