CEO-in Media Cell din

Election Commission of India (ECI) chuan rampuma state leh UT Chief Electoral Office hnuaia Media Cell-te chu Ningani khan inbiak hmuh theihna hmangin a thutkhawm pui.
ECI hian mainstream media leh social media hrang hrangah thudik lo emaw belhchian dawl lo emaw (fake news) thehdarh a ni thin te, mipui leh a bikin voter-te tichiai zawnga thu thehdarh thin leh, media hmanga political party-ten an inpuanzar (advertise) dante fimkhur leh uluk zawka vil hna thawk turin Media Cell hi a chah a ni.
Kumin Mizoram inthlan atan Mizoram CEO hnuaiah Media Cell din a ni tawh a, nodal officer chu addl. CEO H. Lianzela niin, member secretary-ah deputy CEO Henry C Lalrawnkima a ni a, member pathum an awm.