Borapansury thil thleng avanga Lunglei leh Tlabunga Chakma pawn chhuah khap mek chu Lunglei district bawrhsap R Lalthazuala ngenna angin a khaptu MZP leh YMA lamin an hlip.
Lunglei bawrhsap ho hian Zirtawpni khan district administration hotute, Tlabung-a sawrkar hotute, MZP Sub-Hqrs YMA Lunglei, MZP Hqrs Lunglei, Khawthlangtuipui Group YMA leh MZP Sub-Hqrs Tlabung hruaitute an tel a. Heng NGO president theuhte hian tunhnaia Borapansury thil thleng an duh loh zia lantir nana hma an lak dan leh an dinna an sawi a ni.
Bawrhsap chuan August 19-a Lawngtlai districtBorapansury khuaa thil thleng chu vanduaithlak a tih thu sawiin, thil thlenna hi an district chhung ni lo mah se, hnam khawih thil a nih ang leh hemi boruak kal zelah Lunglei district-ah YMA leh MZP hmalakna a kal mek avangin boruak duhawm lo zawk a thlen loh nan sawi ho tha tih a nih anga thutkhawm ko a ni tih a sawi.
Lunglei SP mawhphurhna la mektu K Beihmataosa chuan police lam atanga hmalakna report pe in, case ziahluh a ni tawh a; leh dan anga bawhzui mek a ni tih a sawi a. Tlabung SDO (Civil) leh Tlabung SDPO ten hma an lakna report an pe bawk.
Bawrhsap chuan Lunglei district chhunga Chakma pawn chhuah khap mektu Lunglei MZP leh Khawthlangtuipui Group YMA chu case ziahluh a nih tawh anga dan anga hma lak zel tur a nih hrethiam a, boruak tha zawk a awm theih nan Chakma pawn chhuah an khapna leh an hrekna sut turin a ngen a ni.
MZP leh YMA hian bawrhsap ngenna hi anmahni chhungah an sawi ho ve leh phawt anga, an thuchhuak chu an hriattir ve leh tur thu sawiin an tin a; MZP Hqrs. Lunglei hian Lungleia Chakma pawn chhuah khap an tih chu Zirtawpni tlai dar 4.00 khan an hlip a ni.
Chakma pawn chhuah khap hlip tura ngen angin hlip ta
Get real time updates directly on you device, subscribe now.
Next Post