Chaw ngheiin Republic Day-ah lungawiloh lantir

January 26 – Republic Day zing khan Lalbiakthanga, Lawipua cheng chuan Manipur buaina chinfel thuai a nih theih nan Manipur tlawh tura Prime minister a ngenna in awmzia a neih loh avangin, chaw ngheiin Vanapa Hall kawtah lungawilohna a lantir.
Manipur-a chi leh chi inkara buaina chhuak chu sawrkar laipuiin chinfel tumna tak tak a neiin a hre lo tih Lalbiakthanga hian a sawi a. Prime minister phei chuan a ngaihsak miah lo nia a hriat thu a sawi.
Manipur buaina chingfel thuai tur leh buaina hmun pawh tlawh turin January 24 2024 khan Prime minister Narendra Modi chu e-mail hmangin lehkha a thawn a. Lehkhaah hian chaw nghei a tum thu pawh a ziak lang tih a sawi a ni.
A ngenna in awmzia a neih loh avangin chaw ngheiin lungawi lohna a lantir a. Chaw nghei hi zing dar 8 atanga tanin, chawhnu dar 3-ah a titawp a ni.