Chawilung NGO-in thuneitute an ngen

Aizawl district-a awm Chawilung khuaah August 6 khan an YMA branch president ran vulh chu tih luih ni ngeia ngaihin hliam na tak tuarin hmuh an ni a. Ruihtheih thil dona kawnga inbeihna thil nia an ngaih thu an khaw NGO-te chuan sawiin, thuneitute chu hma la turin an ngen.
Chawilung All NGO thuchhuak chuan, Pathianni chhun inkhawm hlan khan YMAChawilung Branch president Lalparmawia huanah mi tu tih hriat loh ten rawng takin a ranvulh an lo nghaisa tih a sawi a. Hemi chungchang ngaihtuah hian thutkhawm hmanhmawh koin, he pawi khawihtu hi a rang thei ang bera chhuichhuak turin police an ngen bakah pawikhawihtu chu hriatchhuaha man a nih chuan a chungah a na thei ang bera hremna pe turin thuneitute an ngen tih a sawi.
‘Khawtlang hruaituten ruihhlo kan dona kawnga vaukhannate, kan ranvulh leh thil neihten a tuar thin hi pawi kan ti hle a. Kan khuaah leh Zoram hmundanga a thlen nawn tawhlohna turin thuneituten a rang thei ang berin hma la thin se,’ tiin a ngen bawk.