Chawngte NGO-in sawrkar hotute hmu

Joint NGOs Chawngte chuan an khawtlang mamawh leh harsatna chungchanga hma an lo lak tawhna kalzelah chief minister Lalduhoma chu Thawhlehni khan hmuin hmasawnna duhawm zawk a thlen zel beiseiin an inkawm.
Joint NGOs Chawngte hian an hmalak tawhna bawhzuiin kawng chungchangah PWD minister Vanlalhlana chu a office-ah hmu in an harsatna an sawipui tawh a; PWD minister hian an thu thlen chu hriatthiam puiin a rang thei ang bera hma lak a nih tur thu a sawi.
Community Health Centre Chawngte-a thawktu indaih lohna leh hmanrua indaih lo chungchanga hma an lo lak tawhnaah a taka hlawhtlinna an hmuh mek zel avanga lawmthu an sawi rualin, tunkar Zirtawpni hian Health minister chu a office ah hmasawnna tam zawk a thlen zel theih nan hmuh leh an tum tih an sawi a ni.