Chawngthu Sports ADBBA Cup 2025 \an ni Awmze nei zawkin ADBBA insiksawi
Chawngthu Sports ADBBA Cup 2025 tan ni
Awmze nei zawkin ADBBA insiksawi
Vawiin, November ni 3 atanga ni 14, 2025 thleng hian Aizawl District Basketball Association (ADBBA) Cup chu khelh tan a ni dawn a, inelna hi Dawrpui Multipurpose Center-ah khelh tan a ni ang.
Hawla Indoor Stadium, Republic Vengthlangah November ni 11-14-ah khelh bawk tura ruahmanna siam a ni.
Tun tum inelna hi hetiang hian ruahmanna siam a ni:
1) Division 1 – club 10
Division 2 – club 18
Division 3 – club 41 an ni a, club 32 an inlan ang.
2) Division tin te hian he ADBBA Cup hi anmahni division huangah theuh khelin chuta champion tinte chuan champion nomawi an chawi ang; heta an record a zir hian club inlan lo chu division screening tournament-ah minus 1 in bul an tan dawn.
Hneh nei lo team chu 0 point atangin season kharna tourney hmachhawn tur an ni.
Team pakhat tal hneh nei chuan +1 in bul an tan thung ang a, semi-final lut pha chin tan +2 an nei sa dawn – he kalphung hman tan hian ADBBA Cup 2025 hi nasa zual zawkin a tihlu belh dawn a, division 3 lama club 9 inlan lo turte tan hian season dang leh zelah awmze nei lo va club din fuh lohzia darthlalang a ni nghal ang!
3) ADBBA referee recruitment a inlan lo club chenin hrem an ni dawn a, -1 nei sain season tawp inelna an hmachhawn a tul dawn bawk.
4) MBBA hnungzuiin ADBBA lam pawh hian anmahni IG page lam tihchangtlun tinzawnin ro an rel a, MC remtihna tel lovin mahni duh duh dana mimal IG lama phochhuah tur thlalak a theih dawn loh!
5) Division tinah MVP thlan an ni dawn a, trophy leh certificate hi champion team-te hnenah hlan an ni ang.
6) MVP trophy hi mimal thahnemngaite’n an sponsor dawn bawk.
Division 1 tan Dennis Basketball Academy; Div. 2 tan Graceland Gym, Chaltlang leh Div. 3 tan RTZ Sports Goods, Khatlate an penchhuak a, anni hi ADBBA puipate vek an ni.
White Walker, Dawrpui VT lama pheikhawk hlui leh lan dan fel lo te hmel hmang fai leh thar sara thlak thleng thin pan rawn hlawh takte chuan an product-te an sem chhuak dawn bawk.
7) LPS Vision lamin semi-final atangin live coverage an ti ang. Semi-final chin a?angin inkhel en man Rs. 50 a ni ang.
8) Div. 1 leh 2-te league-in an khel dawn a, division 3 erawh knockout system-a khelh tur.
Chawhma lam 10 atanga inkhel tanin, zan dar 8 hmaa zo fel thei turin ruahmanna siam a ni a, ni khatah match 6 a awm thin ang.
Kicksology, Tuikual South hi ADBBA season opening 2025 champion an ni a, Inter Dist. Basketball inelna Champhai lama neih zawh takah an champion nawn leh bawk.
ADBBA Cup-ah erawh division tinah champion an awm dawn a, hei hian season ending lam thleng a nghawng dawn avangin tan a na dawn – ADBBA CUP 2025 hi!