Chhiatna avanga pali thihna

Tunhnai ni thum chhung vel khan chetsualna leh chhiatna avangin mi pali-in nunna an chan.
April 5 chawhnu dar 2.00 vel khan Thenzawl Hermon Veng ami Junior Chawnghmingthanga (5) s/o Lalziding chu sangha dilah a tlahlum. Thudawn danin,
a nu insukna, Don Bosco School thlanga R Lalzauva dilah a nau kum 3 mi nen an cheng a, a nau zawk chu tuiah a tla tep a, chumi a kaichhuak chu amah zawk hi a khur thuk laiah a petek lut a, a tla zui ta nia sawi a ni.
April 6 chawhnu dar 12.30 hnulam deuh khan Lalngaihsaka (44) Rualalung Lunglei district chu Chawngpui luiah a tlahlum. Thudawn danin, Lalngaihsaka hi a thianpa nen Chawngte ‘L’ ral lehlamah tukthuan an ei a, an haw lam inbual thlandai turin chhun dar 12.30 velah Chawngpui lui an thleng a, tuia inchiah dai chu a chesual ta a ni. A thianpa hian tui a thiam loh avangin midang a pun a, a nunna erawh chhan hman loin chawhnu dar 2.00 velah a ruang an la chhuak a ni.
April 6 chawhnu dar 1.30 vel khan Lalrinchhana (37) s/o H Lalnunsanga, Kawrthah chu Rengdilah lirthei chhia siam a ngaih avangin a kal a, Rengdil thlen hma Ramrikawnah kawng ngil laiah a hmaaa sanghar, kawngpui kana tlan chu chil a hlauh avangin a hel a, a helna lamah side drain-ah tlanlutin a lirthei ke a chhe nghal a, an chetsual phah ta nia sawi a ni. Lalngaihsaka hian a lu leh awmah hliam a tuar a, Kawrthah damdawi in panpui niin, chawhnu dar 3.30 velah a hliam tuar loin a thi a ni.
April 7 chawhnu khan Mithun Chakma (31) s/o Debokumar, Sakeilui-II Lawngtlai district chu tekin a deng a, ka pawh chhawn lohin a thi. Thudawn danin, thenawmte ina chaw an ei laiin tek hian a rawn deng a ni.