Childrens’ Science Congress nei

Ni hnih awh tur District Level Childrens’ Science Congress 2023 Khawzawl chu Ningani atang khan Khawzawlah neih a ni a. Khawzawl DEO, Samagra Shiksha DPC ni bawk Lalsikula’n a hmanpui. Tun tumah hian thupuiah ‘Understanding Ecosystem for health and well-being’ tih hman a ni.
Samagra Shiksha leh Mizoram Science Teachers Association ten kumtin Childrens’ Science Congress hi an buatsaih thin a. Hei hi zirlaiten anmahnia theihna, thiamna leh finna an neihte nakin zela khawtlang, ram leh hnam tana tangkai zawka an hman theihna tura inzirna an neihnana buatsaih a ni.
Khawzawl district-ah hian Childrens’ Science Congress hi kum 2019 atang khan kumtin hman a ni a, tun tumah hian junior category-ah school 10 telin project 11 thehluh a ni a; senior category-ah school 8 telin project 9 thehluh a ni. Junior Category-ah hian Khawzawl atangin school 6 leh Khawzawl pawn atangin school 4 an tel a; senior category-ah Khawzawl atangin 4 leh Khawzawl pawn atangin 4 an tel a ni.