Chile ah ram ngaw kangin mihring chenna a kankai avanga nunna chan mi 51 an tling tawh tiin local authority te chuan an sawi a. Ram ngaw kanna hmun hi Chile a Valparaiso region ah a ni.
President Gabriel Boric chuan state of emergency puangin kangmei timit turin theihtawp an chhuah tur thu a sawi nghal a.
Ram ngaw kang hi Chile a ram ngaw kang tawha la turu ber niin summer holiday lai niin coastal region tlawha awm mek mi tam tak a nghawng a ni.
Sorkar chuan temporary field hospital din nghalin medicine zirlai te chu rawih tur an nih thu ministry thuchhuah chuan a tarlang bawk.
Rescue service te chuan kangmeiin a tihbuai nasatna ber bera awm te chhanchhuah turin harsatna an tawk nasa hle tiin Interior Minister Carolina Toha chuan a sawi a, nunna chan an la tam viau theih thu a sawi bawk.
Kangmei tuartu kum 61-a upa El Olivar a cheng chuan ‘hremhmun a ni hawt’ tia a sawi thu AFP news agency chuan a sawi a. |henawm te puih a tum laiin a in a kangkai hman a ti a. “Meivap a surin a sur a ni” tiin a sawi bawk.
El Olivar a cheng tam ber te chu kum upa an nih thu sawiin a thenawm te pawh an in atanga an chhanchhuah theihloh avangin an thi tiin a sawi a. Chile housing ministry chuan chenna in 3,000 atanga 6,000 vel kangmei hian a khawih tiin an sawi bawk.
Inrinni khan Vina del Mar, Limache, Quilpue leh Villa Alemana ah te chuan curfew puan a ni a. President Boric chuan curfew hmangin kawng te zalena awmin emergency vehicle te rang zawkin an kal thei ang a ti.
Pathianni khan firefighter 1,400 chuang tirhluh leh an ni bawk a. Anni bakah hian sipaite pawh tirhluh niin, eng vanga kangmei chu chhuak nge a nih chhuichian a ni nghal bawk.
Dinhmun derthawng tawh tak nasa zawka kangmei chhuak a nasat zel loh nan sorkar chuan kangmei tichhuak thei chi leh lum nasa pechhuak thei khawl eng chi mah Valparaiso region ah hman a phal lo bawk.
Valparaiso hi capital Santiago atanga 116 km a awm niin tuipui kama awm niin summer lai chuan khualzin tam tak te kalna thin a ni.
Chile ram kang vangin mi 51 thi tawh
Get real time updates directly on you device, subscribe now.
Prev Post
Next Post