China Lunar New Year-ah sum leng tam

China Lunar New Year a tourism spending chuan Covid thlen hma hun a khum niin official data chuan a tarlang.
Domestic tourism spending chuan 632.7 billion yuan a pel a, chu chu nikum nena khaikhin chuan 47% lawihin a tam zawk niin government figure tihchhuah chuan a tarlang a.
China-ah hian Covid kaihhnawiha khuahkhirhna hrang hrang te chu kum 2023 khan a hlip fel chauh a, kumin hi pandemic lockdown leh khuahkhirhna tawp hnua Lunar new yaer lawmna hmasa ber a ni a. Kum dang zawng aiin holiday chhung pawh a rei zawk bawk.
Kumin hi Year of the Dragon ni bawkin ni riat chhung holidya laiin dometic trip 474 million lai a awm a, chu chu nikum aiin 34% a tamin pre-pandemic level kum 2019 ai pawhin 19% in a tam zawk bawk a, Pathianni khan holiday a tawp chauh a ni.
Thuneiute chuan data kimchang na tarlang lo chngin official figure data hmanga calculation tihah average spending erawh kum 2019 aiin 9.5% in a hniam zawk a. Chu chu consumption tlakhniam zelna lantirtu tiin US investment banking giant Goldman Sachs te chuan an sawi.
China holiday hi Spring Festival tia hriat lai niin kum khata khawvela migration turu bera ngaih a ni a. China a mihring maktaduai tel tehmeuh te chu he kumthar hmang tur hian an hnathawhna leh awmna hmun atangin an chenna khuaah kumthar hmang turin an hawng thin a ni.
Pandemic lai kha chuan lawmna kalpui khap niin chuvang chuan khualzin tur tam tak te an teichhuahloh phah a ni.
Lunar New Year a sum sen pung hi khawvel economy lian ber pahnihna harsatna tun hnaia nasa tak tawktu tan chuan chanchin lawmawm a ni thung.
Beijing in harsatna a tawh meka langsar ber pakhat chu property market crisis niin chumai bakah export tlahniam zel leh consumer price tlahniam zel chu a ni bawk.
Pathianni a official data tihchhuah chuan nikum khan China a foreign business investment chu kum sawm thum chhunga a tlem ber tum a ti bawk a. Kum 1993 hnuah Foreign Direct Investment (FDI) chuan a hniam ber a tawng tiin State Administration of Foreign Exchange chuan a tarlang.