CKHC-in Hmangaihna In tlawh

Mizoram Presbyterian Kohhran Hmeichhe enkawl “Hmangaihna In” chu Thawhlehni khan Central Kohhran Hmeichhe Committee-in tlawhin hun an hmanpui.
Central Kohhran Hmeichhe Committee (CKHC) chairman Zothanpari kaihhruaiin hun hman a ni a, Hmangaihna In superintendent C Lalbiaktluangi’n report a pe a. CKHC treasurer Zothansiami’n thuchah a sawi a ni. Central Committee hian Hmangaihna In tan Krismas thilpek an hlan a ni.
Hmangaihna In hi kum 1986-a din niin, a tirah chuan Synod Executive Committee-in Sub-Committee siamin a enkawl a. 1987 June 20 atangin Synod Tihdam Rawngbawlna Board-in a enkawl a, kum 1991 Synod Inkhawmpui chuan Kohhran Hmeichhe enkawl turin a dah a. 1992 August 22 atangin OM hriatpuiin Kohhran Hmeichhia Central Committee hian a enkawl ta a ni.
Hmangaihna In din tirh atangin naupang 494 an awm tawh a. Tunah hian thawktu nghet 11 leh daily-a thawk 9 an awm a, naupang awmzat hi a danglam reng a, tunah hian nausen/ naupang 25 enkawl mek an ni.