College zirlaiten oil palm chinna hmun tlawh

Govt. Kolasib College-a Botany zirlaite chuan exposure field visit neiin, Bukvanneia Godrej Agrovet Ltd. Oil Palm Mill leh Buhchangphaia oil palm chinna hmun an tlawh.
Godrej Agrovet hotute chuan oil palm rah hi an lei reng a, an khawl neihin a her khawp lei tur an la hmu lo zawk tih an sawi. Oil palm hriak chu kumtin metric ton tam tak tharchhuah thin niin, Mizorama thlai dang chu kum khatah vawikhat bak a rah loh laiin, oil palm chu vawi hnih thar theih a ni tih an sawi. Mi thenkhatin oil palm chinnaah engmah a chin theih loh nia an sawi chu an hriatchian loh vang a ni tih an sawi a. Buhchangphaiah ngei pawh oil palm karah nimbu, lakhuihthei leh a dangte tha taka thar chhuak an awm tih an sawi.
Kumtina lo neih (jhuming cultivation) aiin oil palm chin chuan ram a tichhe lo zawk niin an sawi a. Hectare khat atang hian loneituin kum khatah cheng nuai 2-3 an lalut thei a, kumtina hmun hran hrana ram an vat a, ram an tibua tur kha oil palm an chin avang hian an pumpelh phah tih an sawi.