Congo khawpuia tui lianah mi 33 thi tawh

Congo khawpuia tui lianah mi 33 thi tawh
Democratic Republic of Democratic Republic of Congo khawpui, Kinshasa-ah ruah nasa taka sur leh tui lian avangin mi 33 vel an thi niin thuneituten an sawi.
“Sorkarin a thlahthlam dawn lo che u,” tiin President Félix Tshisekedi-a chuan Thawhtanni khan a tuartute hi a hnem a, thutkhawm a ko nghal bawk.
Mi cheng tam tak chu tui lian hleuh leh canoe siam chawp hmangin hmun hima inkar kai tumin an bei hlawm.
Khawpui hi mi maktaduai 17 chenna niin khawvela lui lian ber pakhat leh an ram pum luang tlang, Congo river sira awm a ni.
Tui lian hi an tawn fo a ni a, tun tuma mi erawh kum 60 chhunga a len nasat ber tum a ni.
Hmun thenkhat chu tuiin a lak mai theih hmun a ni a, tun hnai kum eng emaw ti atang khan president chuan sik leh sa avanga buaina chuan tui lian nasa zawk a thlen thei tih a lo sawi tawh thin.
Zirtawpni zan atanga Inrinni thlenga tui lian chuan Kinshasa khawthlang lama chenna in tam tak a la.
Khawpuia district 26 awma a zahve chu tui lian hian a tibuai mek niin mayor chuan a sawi a, mi zawngtu leh chhanchhuaktu an tir tih a sawi bawk.
A tuar nasa ber chu khawpui dai, mi rethei zual deuhte chenna lai a ni.
“Tui hi metre 1.5 zeta sang a ni a. Keimahniin kan inngaihtuah a, mi dangte chu inah an la tang hlawm,” tiin Ndanu-a cheng, Christophe Bola chuan AFP news agency hnenah a sawi.
Tual chhung mi thenkhat chuan thuneitute laka an thinrim thu thuthar lakhawmtute hnenah an sawi a, an che muang lutuk a, an mamawh ang puihna an pe lo niin an sawi bawk.
Kinshasa-a mi cheng tam tak hian tuiah harsatna an tawh phah mek a, water treatment pump chu hman theih lohvin a awm rih.
Khawpuia kawngpui lun ber, thlawhna tumhmun pawhna chu kal theih a ni lo va, an ram lawngchawlhna lian ber, Matadi pawhtu kawngpui pawh zawh theih a ni rih lo bawk.
Congolese scientist-te chu an luite chu khawvela bawlhhlawh ber pakhat a ni dawn tih an sawi lawk a. Kinshasa-a hmun tam takah bawlhhlawh sawngbawl that a ni lo va, hei hi luiah a luang lut nasa si a ni.
Kinshasa-ah hian ruah a la sur chhunzawm dawn a, kum tir lama helhovin an lak, khawchhak lama Goma-ah pawh a sur dawn niin an sawi.