US President hlui Donald Trump thah tuma silaia kah a nih hnuah BJP te chuan Rahul Gandhi chu Prime Minister Narendra Modi laka tharumthawhna kalpui tura midangte fuih thinah an puh.
Rahul Gandhi-an Trump thah tumna a dem thu a sawina chu chhangin BJP IT department head Amit Malviya chuan Rahul chuan a sawi thutak lo a ti a.
“Third Time Fail Rahul Gandhi hian tum tam inthlana a hneh loh tawh Prime Minister Modi lakah tharumthawhna hman a nih theih nan midangte a fuih thin a ni. India hian Congress-in rorelna an chan laia Punjab Police tena PM security derthawng taka daha flyover a PM convoy tanga an dah kha a theihnghilh a rem lo,” tiin Malviya chuan a sawi.
Tun hma pawhin Malviya hian Congress leader te a bei fo tawh a. Rahul Gandhi chuan Modi lakah rhetoric natak tak Trump sawiseltu Democratic leader leh US President Joe Biden tena an hman ang ‘dictator’ tih te pawh a hmang a ni a ti bawk.
Trump thah tuma beih a nih hnuah Trump thlawptute chuan Democrats te chu Trump huatna boruak siamah an puh a. Malviya chuan chutiang chiah chuan Modi duh lote chuan Modi hnuaiah democracy derthawngin a awm tih te leh Modi lakah Opposition te chuan ‘Constitution derthawngin a awm’ tih te an hmang a ni a ti.
Indian democracy chuan global Left tena an beihna a tuar khawchhuak a, Modi chuan a term thum nan thuneihna a chang leh ta tiin Malviya chuan a sawi a.
“America a race ang bawkin caste chu Indian society a inthendarh nana hmanruaa hman a ni. Elpuite chhetaka chhuaha dictator tihte pawh thil thleng palh a ni lo. A nihna takah chuan khawvel mihausa, idea hlauhawm tak neite chuan he thu mal hi democratic taka thlana thuneihna chantir world leaders an thunun theih si loh te koh nana hman a ni” tia sawi bawkin Rahul Gandhi chuan India inthlanah ram dang te inrawlh turin a ngen a, mahse a hlawhchham, a ti bawk.
-- Advertisement --
Congress ten chhang let
Congress te chuan BJP tena Rahul Gandhi-an Prime Minister Narendra Modi laka tharumthawhna hmang turin midangte a fuih tia an sawi chu ‘cheap politics’ tihsakin leader security issue chu ‘play’ chi a ni lo an ti bawk.
BJP te hi chhang letin Congress’ media and publicity department head Pawan Khera chuan, “Leader te security thilah cheap politics khelh chi a ni lo. Congress party chuan Mahatmaji chu Right Wing terrorists te avangin a chan tawh a. Terrorists te avangin prime minister pahnih kan chan tawh a. BJP sorkar hmuh lai ngeiin kan Left Wing terrorists te avangin kan Chhattisgarh hotute kan chan vek tawh bawk” tiin a sawi.
Prime Minister Modi leh BJP pumpui te hian Congress party leader te hnuh hniam nan Jawarhal Nehru, Indira Gandhi leh Nehru chhungkua pumpui lakah dawt dengkhawng tak tak an thehdarh char char zawk a ni.
“Modi hian Gandhi Family te hnena SPG security pek pawh mak tak maiin a titawp zawk a ni,” tiin Khera chuan a sawi bawk.