Congress ten parliament hmusitah BJP puh

Congress te chuan sorkar laipui chu Opposition tena no-confidence motion an kalpui sawiho duh lova House-a Bill la chhawp chhuak zawkin Parliament an hmuhsitzia an lantir a ni, an ti.
Lok Sabha-a Congress leader Adhir Ranjan Chowdhary chuan sorkar chuan a hmasa berin no-trust motion discussion a kalpui tur a ni a ti a. Hei bakah hian ruling party MP rual te chu Manipur tlawh turin a phut bawk a.
Manipur buaina avanga Parliament rorel hleithei lova siamah Opposition te chuan Prime Minister Narendra Modi chuan House ah sawi nei phawt rawh se an ti a, Home Minister Amit Shah chuan Parliament a sawihona neih an inpeih reng a ti thung.
Opposition-te chuan hei hi duh lovin no-confidence motion kalpui hmasak tur an ti a, chu chu Manipur buaina chungchanga Prime Minister thusawi tura an nawr theihna awm chhun nia an ngaih a ni.
“No-confidence motion he sorkar lakah hian kan kalpuia sawihona chu Lok Sabha-ah neih ngei tur a ni. Sorkar business dang House a sawiho turah harsatna kan nei lo, mahse, no-confidence motion sawihona neih hmasak a ngai a ni” tiin Chowdhury chuan a sawi.
“No-confidence chuan pawimawhna thuk tak a nei a, sorkar in ngaihthaha bill leh policy a chhawpchhuah zui fo chuan Parliament a hmusitah ka ngai. No-confidence motion hnawl hmasaka a awm a awm ngai reng reng lo,” tiin a sawi bawk.
Congress MP chuan sorkar chuan no-confidence motion namnulin mipuite rilru lakpen nan thil dang dang a vawrhchhuak tiin a sawi bawk.