Congress ten thudik leh lungrualna meichher mit remti lo
Mahatma Gandhi thih cham January 30-ah Congress-te chuan ‘father of the nation’ chawimawi kan duh chuan ‘huatna thlipui’ tleh karah ‘thudik leh lungrualna meichher’ a mit kan remti tur a ni lo tiin an sawi.
Congress party chuan Mahatma Gandhi thattu Nathuram Godse chawimawitute chuan ‘idea of India’ an sawifiah kan remti tur a ni lo an ti bawk.
Congress presdient Mallikarjun Kharge chuan Mahatma Gandhi thusawi, “Kan hmelma chu hlauhna a ni. Huatna emaw kan tia hlauhna a ni zawk” a tih chu X a post a siamah a tarlang a ni.
“Martar Ni hian Bapu kan zahna kan hlan a, kan ram moral compass a ni a. Mahatma Gandhi ideal ‘sambhav’ leh ‘sarvodaya’ a innghat tlat humhim turin kan theihtawp kan chhuah tur a ni” tiin Kharge chuan a sawi a.
“India ram ‘unity in diversity’ humhim tur leh justice, equality leh fraternity kan mipuitea a awm theih nan leh humhim turin theihtawp i chhuah ang u” tiin a sawi bawk.
Congress president hlui Rahul Gandhi pawhin he ni tak hian huatna leh tharumthawh duhna ideology chuan kan ngaihsan Bapu chu kan ram atangin min laksak a ni a ti a. “Vawiin hian chu ngaihdan bawk chuan a principle leh ideals te chu kan lak ata min laksak an tum leh mek a ni” tiin a sawi bawk a.
“Mahse huatna thlipui tleh karah hian thudik leh lungrualna meichher chu a mit tur a ni lo” tiin a sawi bawk.
Zing lamah Bharat Jodo Nyay Yatra camp site Araria, Bihar-ah tawngtaina hun hman niin kum 76 kalta he mi ni hian Mahatma Gandhi chu Nathuram Godse chuan a tihlum a ni.
Congress general secretary Jairam Ramesh pawhin Rahul Gandhi leh leader dang tena prayer meeting an neih lai thlalak chu X ah a post bawk, “A damlaia a ideology duh lova hua-te nen kan inbei mek a, tunah phei chuan a hma zawng aia nasain chet an la a ni” tiin Ramesh chuan a sawi.
“Godse chungnunga dah tum ten idea of India an define kan remti tur a ni lo” tiin a sawi bawk.
Union minister hlui leh Congress leader P. Chidambaram pawhin Mahatma Gandhi chu tihhlum ni mahse Indian maktaduai tel, Indian pangngai ten a nun leh a zirtirna hmangaihna, lungrualna, inunauna leh remna leh muanna te chu an dah chungnung ber zel a ni a ti bawk a.
“Heng value- te hi vawiinah cho in a awm a, mahse, Gandhiji value te chu a ding chang ang” tiin a sawi bawk.