Lallunghnema
Charity Lodge
Cont: 9862288182
-- Advertisement --
Consumer Huangah hian thil dang a leng lo hle a. Consumer-te himna leh damna tur hi kan tuipui ber a ni a. Chuvangin he ‘Column’ chhiartute pawh hian in lo hlâwkpui ngei ka beisei a ni. Kan ni tin nunah hian Consumer right leh issue-te hian a luah khat tlat a. Kan duh emaw duh lo emaw kan khawsaknaa bet tlat a nih avangin kan ngaihthah thei lova, kan sawi ang a, kan thawk bawk tur a ni. Thil zuartute leh hralhtute chu dik tak leh fel taka awm turin consumer-te chuan kan beisei a, thil leitute pawh huaisen tak leh rinawm taka awm turin kan duh bawk a ni.
Thil hralhtute leh service petute chauh dik taka ti turin kan phût tur a ni bik lova Anmahni dawrtute (customer, consumer tihna a ni-llh) pawh dik tak leh fel taka thil lei leh tha leh zung (service)hmang turin kan inphût thin a ni. Taxi driver-te, Bus Conductor-te chu hawihhawm turin kan duh a, ni tîn dawr nghaktute pawh customer-te ngaihsak turin kan duh a. Chutiangin transport hmangtute dangte pawh hi hawih hâwm tura beisei kan ni bawk. Eng pawh ti ila, tu te pawh hi rinawmna, hawihhawmna, diknate vawng reng turin kan inbeisei vek a ni. Chu chu Consumer khawvel ze ropui tak chu a ni a. Eiruknate leh hlemhletna te, kut tling lo sum tihbona tha tak a ni. Consumer-te zalenna neih dan tur a ni. Consumer-te an zalen loh chuan tu te tân mah hlimna leh lungawina a awm thei lo a ni.
Consumer Complaint ngaihtuahnaah hian Sawrkar chuan Dan (Act) fel tak a duang chhuak a. Chu chu Consumer Protection Act leh Rules-tih a ni a.
Tun tumah pawh hian Consumer Protection (Consumer Commission Procedure)Regulation 2020 tlangpui kan zirho dawn a ni.
The Consumer Protection (Consumer Commission Procedures) Regulation 2020:
1) Arrangement in Consumer Commissions: Sawifiahnaah chuan Consumer Commission-te hi regular Court an ni ve lova, chutianga an nihna chu tihlan hram tur a ni. Cilvil Court ang a nih lohzia sawi ngai lovin chetzia ah, Civil court anga kalpui loh tur a ni.
2) Consumer Commissions Hall-ah a inkhing (Thubuai neitute) thu leh hla chu ngaihthlak (Sawi) tur a ni a. Chu Hall (Dais) chu 30cm(Fit khat tling lo deuh) aia sang tur a ni lo.
3) Dais-ah chuan Consumer Commission President leh Member-te chuan thutna inang chiah (Same Type of Chair), a san zawng 30 cm (Height) pawh inang a ni tur a ni. |hutna hnunga lû nghah chhan(high back)hman phal a ni lo.
4) Dress code(Member-te Incheina).
(a) President leh member-te chu nalh leh en nuam takin an inthuam thin tur a ni.
(b) T-shirt leh jean inbel phal a ni lo.
(c) High Court/ District Court-a judge, an nih lai dinhmun anga inthuam loh tur a ni.
(d) Advocate an awm chuan incheina pangngai chauh inbel phal a ni.
5) Hearing Hours: Complaint ngaihthlak hun chhung chu 10:30 am -1:00pm leh 2:00 pm- 4:30 pm a ni ang. Duh hun huna Hearing hours siam loh tur a ni.
6) Cause list fel taka buatsaih tur a ni. Hearing neih hun a ni leh darkar fel taka siam tur a ni.
7) Adjournment a awm chuan pawi chawi tur (cost) a awm ang a, vawi khatnaah Rs.10,000 a aia tlem lo chawi a ngai ang.
8) Complaint ziah luh zat tihlan tur a ni a. Consumer Complaint tiin ziah luh tur a ni a; a lam tawiin C.C. tih tur a ni.
9)Consumer Protection Act 2019 Sec.36(2) in a sawi angin ziah luh ni atanga chhiara ni sawm hnih pakhat (21) chhungin Commission chuan a pawm leh pawm loh a tichiang tur a ni.
10) Limitation chungchang:
(a) Judgement Order tihchhuah atanga ni sawmthum (30) chhungin revision petition thehluh theih a ni ang.
(b) Ex-parte Order emaw complaint titawp tura dilna chu Order tihchhuah ni atanga chhiara ni sawm thum (30) chhungin theh luh theih a ni.
(c) Judgement Order tihchhuah chu ennawn dilna a awm chuan ni sawm thum (30) ral hmain District emaw State emaw Nation Commission emaw hnenah theh luh theih a ni.
(d) Recognised Voluntary Consumer Organisation-te chu Consumer Commission thu leh hla ngaihthlak phalsak an ni.
(e) Voluntary Consumer Organisation chuan a tul dan azirin aiawh an tir thei ang.
(f) Consumer Commission chuan thutlukna a siam chu ni sawmpanga(15) chhungin a tichhuak tur a ni.
(g) Complainant emaw Opposite party emaw te chu Ukil ruai turin Consumer Commission te chuan a tilui(insist) tur a ni lo.
(h) Khua leh tui Upa (Senior Citizen) – te, hmeithai te, rual ban lote chu an thu leh hlate chu, mi dang aiin Commission chuan a ngaihtuah hmasa tur a ni.
(i) Consumer Commission hnuaia mahni ngei inlan (Appear in person ) te chu Commission chuan hawihhawm tak leh zah takin a lo dawngsawng tur a ni a.thutna tha tak a lo pe tur a ni.
Thu belh: Regulation 2020 hi a pawimawh zual chauh ka han ka ziak. A tawp lama lo lang pahnih (2) hi a pawimawh zual hle a. Advocate ruai lo tura kan infuih a tul hle, Consumer Commission chêtzia tur pawh hi ‘Social’ tak ni turin kan duh ngawih ngawih a ni. Consumer Complaint reng reng a rei lo thei ang bera chin fel hi a ‘consumer’ em em a ni; ni 90 leh ni 150 hi kan bengah a ri ring thin tur a ni. Mahnia inlan (appear in person)-te, ukil ruai lote hi an zahawm (respectable) a, anmahni pawh lo fuih nghe nghe zawk âwm tak a ni.
Hun bi tuk ni 90 (sawm kua) te pawh hi Commission-te chuan a zawm (implement) ngei a ni.
Ukil rawih hi intih hmuh loh tur a ni. Ukil rawih kher hi thiam channa a ni chuang lo.
Sawi tur a tam hle! Mediation chungchang kan sawi hman ta lo. Hun rem changah kan titi ho leh dawn nia. Kan mission hi consumer-te dikna leh chanvo mi tin tana thlen a nih angin kan kalna apiangah consumer-te chhantu nih tum zel ila. Chu chu retheite zalenna tur a ni.