Court tih hmasawnna tur thlen

Court tih hmasawnna tur thlen
New Delhi-a kal Law & Judicial minister TJ Lalnuntluanga chuan July 4 khan Union Minister of State (Independent charge) for Law and Justice Arjun Ram Meghwal chu a chenna ina kawmin, mamawh leh tul hrang hrang a thlen.
Minister hian Mizorama court infrastructure tih changtlung dan tur a sawipui a. Mizoramin litigation lama hmasawnna nasa tak a neih thu leh court changtlung tha kan mamawh thu hrilhin, fund awm ang angte pawh court tih changtlun kawnga state-in bul a tan lai a nih avangin pek tam deuh kan mamawh thu a hrilh.
Union MoS chu Lunglei leh district thar pathum tana court building sak thuai a nih theihna’n fund pe chhuak thuai tura a ngen bakah Champhai Judicial District Court building sak tur, Gauhati High Court pawhin court building drawing a pawmpui vek tawh chu sak tan thuai a nih theihna’n CSS for Development of Infrastructure Facilities for the Judiciary hnuaia fund pe chhuak turin a ngen bawk.
Union MoS hian Mizoram minister thu thlen chu a ranglama tihfel a tum tur thu a hrilh a ni.