Criminal law thar zir ho

Sawrkar laipuiin kumin July 1 atanga criminal law thar hman tura gazette notification a tihchhuah tak avangin Mizoram Police chuan heng criminal law thar pathum – Bharatiya Nyaya Sanhita (BNS), Bharatiya Nagarik Suraksha Sanhita (BNSS) leh Bharatiya Sakshya Adhiniyam (BSA) inhrilhhriatna chu Thawhtanni khan Aizawlah an hmang.
Training hawngtu DGP Anil Shukla chuan training-a telte chuan he dan thar pathum hi chiang taka hre bel tur leh officer leh staff dangte hnena training pe chhawng theia thiam turin a chah.
District tin atangin police officer 55-in an chhim a, IPS officer pahnih – Shivendu Bhushan leh Manjeet Singh bakah Govt Mizoram Law College-a zirtirtuten dan thar chungchanga thupui thlanchhuah hrang hrangah zirtirna an pe a. March 8 hian zawh a ni ang.