CTI Sesawngah martarte lungphun champha 28-na Congress-in hmang

CTI Sesawngah martarte lungphun
champha 28-na Congress-in hmang
Mizoram buai avanga nunna chan Martarte Lungphun champha vawi 28-na chu Zirtawpni khan Congress Thalai buatsaihin CTI Sesawng-ah hman a ni.
Hmanpuitu MPCC president Lal Thanzara chuan, Congress-in an ti ang an tih chu an tih thin avangin mahnia lal thutthleng kalsan kohhran leh Mizoram mipui beisei remna leh muanna kan nei tih a sawi a. MNF chuan hnam pasalthate leh martarte chu politics khelhna atan chauh an duh a; an sawrkarin an theihnghilh a, an sawrkar loh veleh an hmangaih leh thin tih a sawi.
“Congress sawrkar chuan martarte hriatrengna atan leh kan zah zia lantirnan an chhungte hnenah sawrkar hna chhungkaw 30 chuang kan pe a, hnathawh tur inhlawhna thahnem tak kan pe a ni. Hetiang hian Mizoram mipui tan thlei bik awm lohna sawrkar tha kan siam dawn a ni,” a ti.
Congress Thalai president Laltawnliana chuan, hnam tana martarte hian Zofate min phuarkhawm tih sawiin, “Ram leh hnam tana kan intiamnaa rinawm leh intiamna hlenchhuah hi martar-na a tling. Congress party hi Mizoram mipui tana remna leh muanna thlentu ni tura mahni lal thutthleng kianin a martar tawh a, mipui tana a intiamna zawng zawng a hlenchhuak a ni. Congress party hi Zofate min phuarkhawmtu awmchhun a ni,” a ti.
MPCC vice president C Ngunlianchunga, MLA leh MPCC adviser Zodintluanga ten thu an sawi bawk.
Congress Thalai hian CTI Sesawnga martarte puala lungphun hi kum 1997 khan hetihlaia Congress Thalai president John Rotluangliana hoa phun niin a ni.