Cyclone Dana thleng tur avangin tuipui kama awmte inralrintir
India Meteorological Department (IMD) chuan Bay of Bengal chungah Cyclone Dana a insiam dawn nia sawiin, inralrinna a tichhuak. October 23-ah chuan Odisha leh West Bengal-a tuipui kama awmte chu nasa takin a nghawng rin a nih thu a sawi.
Cyclone Dana hi a lo pian hnuah hmarchhak lam pan tura ngaih a ni a, October 24 zing lamah Odisha leh West Bengal tuipui kama Bengal chhim thlang lam Bay of Bengal a thleng dawn a, IMD chuan heng tuipui kama awmte hian October 23 atanga 25 chhung hian ruahtui tam tak an dawng dawn niin a sawi.
IMD Director-General Mrutyunjay Mohapatra chuan, “October 24-25 chhung hian tuipui kam hmun thenkhatah ruahtui cm 20 a tla thei a, ruahtui tlak chakna pawh cm 20 atanga 30 thleng a ni thei. Hmun thenkhatah chuan 30 aia tam a tla thei bawk,” tiin a sawi.
Thlipuiin nghawng na deuh a neih theih bawk avangin October 21 hma ngeiin sangha mantute chu tuipui atanga tuipui kama kir leh turin hriattir an ni a, cyclone dana avang hian hmarchhak state thenkhat pawhin ruahtui tam deuh an dawng thei bawk nia sawi a ni.
Cyclone Dana thleng tur avangin tuipui kama awmte inralrintir
Get real time updates directly on you device, subscribe now.