Tun hnaia sawi hlawh tak, eirawngbawlna gas chungchanga Delivery Authentication Code (DAC) leh delivery charge chu thil hrang, inkaihhnawihna nei lo a ni, tiin Mizoram Indane Distributor Association (MIDA) leh Mizoram RGGLV Distributor Association (MRDA) te chuan thuchhuah intawm siamin hetiang hian an sawifiah.
Oil marketing company – IOCL, HPCL leh BPCL te hian central sawrkarin inkaihhruaina a siam angin LPG supply-ah a tam thei ang ber digital platform hmang turin an ti a, ‘Digital booking, digital payment, DAC, PDC feedback adt hi India ram pumah kalpui niin uluk taka vil reng a ni a. Tunhnaia sawi hlawh tak delivery authentication code (DAC) leh delivery charge hi thil hrang, inkaihhnawihna nei lo a ni.
DAC hi home delivery nena inkaihhnawih anga sawi niin home delivery kalpui Iohnaah chuan LPG agent-ten phut kher lo tur anga sawi hi thu dik tawk lo a ni. DAC hi delivery authentication code a nih ang hian customer-ten LPG an la ngei a ni tih finfiahna a ni. Home delivery a ni emaw point delivery (khawlai a sem) pawh nise customer online-a booking ti zawng zawngten an kalpui ngei tur a ni. Hei hian a tum chu, LPG hi black market-a hralh a nih lohna tur leh consumer dik takte hnena LPG pek a nih theih nana central sawrkar hmaIakna pakhat mai a ni.
DAC leh delivery charge pawh hi thil hrang niin, DAC avangin delivery charge hi chawibelh ngai anga sawi leh LPG distributor-te hnena dik lo taka pawisa chawibelhna anga sawi pawh hi thil hriat dik tawk lo a ni. DAC titute hi consumer-te an ni a, DAC an tih avangin pawisa an chawi ngai lo tih hretu pawh anmahni tho an ni.
Heng digital parameter hrang hrang – DAC etc. avang hian hun, tha leh sum, distributor-te hian nasa takin an sen belh zawk a, hengte hi tihtawp a nih theih nana hma lakpui thei an awm chuan thawhho pui an inhuam reng zawk tih MIDA&MRDA te chuan an sawi a ni.
DAC leh Delivery charge a inang lo : MIDA&MRDA
Get real time updates directly on you device, subscribe now.
Prev Post
Next Post