Damlo 300 chuang en

Champhai North bialtu MLA Dr ZR Thiamsanga chuan Champhai District Hospital ah a thlawna inentirna a buatsaih damlo 342 hriselna dinhmun a endik sak.
Thudawn danin Champhai District Hospital-a hmeichhe lam thiam doctor an awm loh avang leh a thar dah turin MLA inthlan kaihhnawihah model code of conduct-in a la phuar avangin hmeichhe lam kaihhnawih thiam mamawhna a sang hle a, Health & Family Welfare Board vice chairman ni bawk Dr ZR Thiamsanga hian November 22 atang khan a thlawna inentirna hi ni khat atan a buatsaih a, naupai leh hmeichhe lam harsatna nei inentir duh an tam avangin pawhsei a ni.
Damdawi ina inentir hun la chang lo, an in lama inentir hi November 24 zing thleng khan an la awm nia thu dawn a ni.