Dampa Tiger Reserve-a thawkte ngaihsak phut

Dampa Tiger Reserve-a thawkte ngaihsak a, an hlawh la lak loh leh an mamawh dang pe turin sawrkar an phut tih AAP Mizoram chuan an sawi.
AAP Mizoram thuchhuak chuan, Mizorama hmun pawimawh kan neih zing ami Dampa Tiger Reserve enkawltuten ngaihsak an hlawh lo hle nia a hriat thu sawiin, tun aia nasa hian ngaihven turin a phut tih a sawi.
June leh July thla hlawh a ranglama pe tur te; APC staff duty-a riakten ration atana dal chauh an dawn chu thildang ngaihtuah belh sak tur te; APC thenkhat chhunga toilet awmlo leh compartment awm lo chu duty-te tan harsatna lian tak a nih thu te sawiin, Dampa Tiger Reserve sq.km. 500 aia zauah hian patrolling path thenkhat chu fehkawng ang mai a la nih avangin thawktute tan accident palhah a buaithlak thei dawn a, Sai emaw motor cycle kal theih tala patrolling path siamsak turte in sawrkar an phut tih a sawi.
‘Medical kit, thosilen, solar lantern an mamawh takzet a. Sleeping bag leh racksack an dawn lohna pawh kum 10 a liam tawh a, chuvangin a ranglamin sawrkar hian ngaihven rawh se,’ AAP chuan a ti bawk.