Dan bawhchhia youtuber hrem

Danin a humhalh bik nungcha tih nat kawnga dan bawhchhiaa puh youtuber pahnih chu mana hrem an ni.
Deputy conservator of forest Aizawl Wildlife Division sawi danin, kumin January 19 khan Wildlife (Protection) Act 1872 section 9 bawhchhiaa thang chi hrang hrang hmanga sava leh nungcha dang tihlumtu leh an chet dan video, Youtube channel-a dah thin mi pahnih – Vangengmawia, Lungmawi Hnahthial district leh PC Malsawmzuala, South Vanlaiphai Hnahthial district chu manin dan tlawhchhan hian sum chawitirin an hrem. An youtube channel-a thang kam dan leh nungcha an tihhlumna video an dah pawh paih (delete) tir an ni a, thangkamna hmanrua man sak a, harsal a ni bawk.
Tunlaiin youtuber thenkhatin ramhnuaia nungcha an pel lai leh thang chi hrang hrang hmanga danin a humhalh sava leh nungcha dang an tihlum lai video an dah thin bakah an ei lai pawh dah thin a ni tih deputy CF hian sawiin, hei hi dan kalh a nih bakah midang hnenah nungcha laka hleilenna kawnga nghawng tha lo a neih theih avangin an ngai thutak hle tih a sawi a. Manchhuah an nih chuan lung in tan leh sumfai chawitir theih an ni tih a sawi.