Debate-ah PU College tha ber

Inter College Debate 2024 neiha a kharna chu Inrinni khan neih a ni a. Pachhunga University College an champion.
aDumAVar buatsaih debate-ah hian Govt. Aizawl College, Pachhunga University College, Govt. Aizawl West College leh Govt. Hrangbana College te topic hrang hrangah an inel a. College tin hi team hnihah inthenin debate topic 4-ah inel hmasak a ni. Hemi zawh hian college titha team pahnih – PU College – team 1 (mover) leh Govt. Aizawl College (opposer) te an inel chhunzawm a. Final debate-ah hian “Kan ram develop nan hnamdang business rawn neih kan phal a ngai” tih hman a ni.
Mark zaa 80 hi judge-ten pe in zaa 20 hi mipui vote atanga lak a ni a, mobile app kaltlangin mipuiin an vote a ni.
Grand finale hi Youth Services minister Lalnghinglova Hmar chuan hmanpuiin, zirlaiten debate culture kan chawinun mai niloin hma sawn zel tur a nih anga uar zawka kalpui tha a tih thu a sawi.