Delhi-a building chimah mi pali in nunna chan

Nilaini zing lam khan Delhi a Bapa Nagar-ah building pakhat chimin, in chim vang hian Mujeeb leh Mukeem te unau chuan nunna an chan a, an unaupa Muheem erawh chu a nu leh pate nen himin, Rampur-ah enkawl mek an ni.
He building chim hi chhawng nga a sang a ni a, thuchhuah hnuhnung bera tarlan a nih dan chuan mi pali in nunna chan tawhin, mi 14 chuangin hliam an tawrh phah.
Heng nunna chante hi chhungkhata mi pahnih leh chhungkaw danga mite niin, Uttar Pradesh a Rampur mi vek an ni hlawm a, an chhungte hliam tuar pawh hi na hlawm hle in, Rampur lamah enkawlna pek vek an ni.
Building luahtute zinga hliam tuar pakhat chuan, “Engmah inrin hmanna kan nei lo. Kan la muttui lai vek a ni hlawm a, kan tan chet ngaihna a awm lo a ni. Theih nise, kan zavaia him chu kan duh dan a ni,” a ti.
He building hi building hlui tawh lam niin, siamthat tura ruahman mek niin thenkhat chuan an sawi a, khawsak harsa zawkten chen nana an hman a nih avangin hetiang chhiatna a thlen thut hi an lo ring rilru tawh nia sawi a ni bawk.