Digital Crop Survey titha lawmman vbch.60 dawng

Digital Crop Survey titha
lawmman vbch.60 dawng
Mizoram Agriculture & Farmers’ Welfare department chuan Digital Crop Survey a kalpui that avangin sawrkar laipui atangin lawmman (incentive) cheng vaibelchhe 60 a dawng.
Agriculture & Farmers’ Welfare minister PC Vanlalruata sawi danin, Digital Crop Survey (DCS) hi SASCI 2025- 2026 Part VII-B hnuaia kalpui a ni a. District tin atangin khaw pakhat theuh thlangin survey neih a ni a. Land Revenue department-in digitize land records a siam tih a sawi.
Mizoram-in digitize records of right (RoR) a la neih loh avangin DCS atana thil tul – land mark geo-referencing leh land mark application siamchawp a ni chungin, Mizoram-in he dinhmun a thleng thei chu thawktute inpekna leh thawhrimna rah bakah a bikin Land Revenue & Settlement department nena an thawhdun that vang a ni tih a sawi.
Sawrkar laipui chuan state hrang hrang zinga DCS kalpui tha lawmman cheng vbch. 95 thelng dawn theih dan a duang a, level thumah then niin, tuna Mizoram-in a dawn hi level (milestone) 1 a ni a, hetah hian district tina khaw pakhatah DCS kalpui niin, cheng vbch.50 dawn theih a ni. Mizoram hian hei hi dawngin, sawrkar laipui ruahman angin lawmman dawn hian hmarchhak state bik tan vbch 10 dang a kengtel a, a vaiin vbch. 60 an dawng ta tih a sawi.
Vbch. 30 leh vbch. 15 dawn theihna tur milestone-2 leh milestone-3 atan hma an la chho leh mek a. Milestone-1 an sum dawn hi state sawrkar sum bawmah a luh dawn avangin a hman tangkai dan tur chu an ni department lo sawilawk theih a ni lo tih a sawi bawk.