Dte of Nursing din dawn

Mizorama Directorate of Nursing din phalna state sawrkar chuan a pawmpui a. Trained Nurses Association of India (TNAI) hotute chuan Inrinni khan chief minister Zoramthanga hmu in, sawrkarin phalna a pek avang hian lawmthu an hrilh.
TNAI president Prof Dr Roy K George leh general secretary Evelyn P Kannan chuan TNAI Mizoram Branch-in office leh hmunhma an neih ve theihna’n Aizawlah ram an leisak thu chief minister hi an hrilh a, an hmalak zel dan tur ruahmante pawh an hrilh.
Chief minister chuan nurse-te chu kan chhawrin kan tangkaipui em em a. Hriselna lama hma kan sawn zel theihna’n hmalakna pawimawh tak pakhat chu Directorate of Nursing neih bakah ram danga hna tha thawh theihna remchang a nih bawk avangin, sawrkar chuan nursing lam tihchangtlun deuh deuh a tum tih a sawi a. Nurse hoten hnamdang tawng an zir a, ram danga hna tha zawk an thawh theihna’na hma lak pawh sawrkarin a ngaipawimawh tih a sawi bawk.