Durand Cup champion Mohun Bagan

Pathianni tlai khan Asia rama football club te inlena upa ber Durand Cup final khelh a ni a. Final hmuhnawm takah Mohun Bagan Super Giant chuan an elpui lian East Bengal chu 1-0 in an hneh a, a vawi 17 nan an champion.
Vivekananda Yuba Bharati Krirangan-ah India rama hlun ropui pahnih, chungnun inchuh reng renga hmanhlel Mohun Bagan leh East Bengal te inhmachhawnin an inhnehthawk hle. Anni pahnih hi Durand Cup-a champion tam fal pahnih; vawi 16 champion tawh ve ve an ni a. Final a chak zawk zawk hi vawi 17 champion a, champion tam ber record thar siam tur an nih vangin an ngai thu tak dun hle. Inkhel hmuhnawm takah hian minute 71-naa Dimitros Petratos goal thun hmangin Mohun Bagan SG an chak a, kum 20 chuang zet hnuah a vawi khat nan Durand Cup-ah an champion leh ta a ni.
Final-a intum East Bengal leh Mohun Bagan Super Giant te hi Group A-ah an awm dun a, group stage-a an inhmachhawn tumin East Bengal hian si khat faiin hnehna an chang a, an group-ah tlawm an nei lova, Group champion an ni. An elpui lian East Bengal lakah tlawm mah se Mohun Bagan hian point ruk an hmu a, knock out round an lut zui ta tho. An khingpuite an hneh zel hnuin final-ah an inhmachhawn zui ta a. Inkhel pawimawh takah group stage-a an hneh loh lakah hnehna changin Mohun Bagan chuan trophy pathum ngawt an hawn zui ta a ni.
India rama club inel fal pahnih Mohun Bagan leh East Bengal te hi Durand Cup final-a an intum hnuhnun ber tum chu kum 2004 daih tawh kha a ni a. Chumi tum chuan 2-1 in East Bengal an chak a, an champion. Final-ah an intum loh vang vang hnuin Pathianni zan khan an intum ve leh ta nawlh a, dream final-ah Mohun Bagan an vannei ta a ni.
Durand Cup 2023 khelh zawh takah Mohammedan Sporting Club tana goal ruk thun David Lalhlansanga chu topscorer a ni a, trophy leh cheng nuai thum hlan a ni. Mohun Bagan champion puitu Vishal Kaith chu si nghak tha berah thlan niin, Golden Glove a dawng a. East Bengal player pawimawh Nandha Kumar Sekar chu