Durtlang to Sihphir inkara lirthei tlan theih dan siam

PWD-in Durtlang to Sihphir kawng an siam mekah Selesih kawn to Sihphir (Nausel peng) inkar kawng chu concrete pavement-a siam a ni a. Kawng siam hun chhung hian road block a ngaih dawn avang leh hnathawktuten tluang tak leh ngawrh taka an thawh theih nan PWD hotute dil angin Aizawl SP chuan sawrkar hriattirna dinglai leh danin thuneihna a pek angin he kawnga lirthei tlan dan tur ruahmanna a tichhuak.
Silchar to Aizawl via Sihphir kawngah LMV chin bak tlan phal a ni lo a; Aizawl to Lungdai lama kal turte Selesih kawn atangin diversion road-a kal tur a ni a, LMV chin bak tlan phal a ni lo. Lungdai to Aizawl lama kal turte Sihphir Rinchhan Veng to Selesih road-a tlan tur a ni a, LMV chin bak tlan phal a ni lo bawk. Hnathawhna hmun paltlang lirthei veivak lo enkawl chu PWD mawhphurhna a ni ang.
He thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty-te chetvelna a huam lo a. Thupek hian May 7 atanga June 7 (thla khat) chhung a huam ang. Thupek bawhchhia chu dan hmanga hrem theih an ni tih a sawi.